Saturday, 10 December 2011

Woh Kahani Bhool Ja- #Poem #Urdu #Roman

 
                              Woh kahani bhool ja


Woh   jawani   thi   suhani  ,  woh   kahani   bhool  ja   Lag    rahi   thi  javidani,woh kahani bhool ja.
Zeest ka har   aik  darya  un   dinon  tha   maujzan  Thi  kabhi us mein ravani,woh kahani bhool ja.
Purnima  ka  chand  upar , thi  khadi  woh  baam  par  Uf ! Mehkti  raat  raani,woh kahani bhool ja.
Parh  rahi  thi  mah-e -nau  ki  halki   halki chandni   Ho  rahi  thi   gulfashani, woh kahani bhool ja.
Mai bhi tha,meena bhi tha,Saqi bhi tha,Sagar bhi tha  Maujzan thi zindgani ,woh kahani bhool ja.
Jab kabhi  bhi  muskarati,phool  barsati  thi woh    Aur phir woh badghumani,woh kahani bhool ja.
Woh  jhijhkna , woh  chimatna, woh  liptna yaar ka   Ab to  lagti  hai  kahani ,woh kahani bhool ja.
Rah woh  bhi  tak  rahi  thi, tha  hamein bhi  intezar   Furqat -e- shab ki girani, woh kahani bhool ja.
Hoon  khizan  ka  shajr  main,  gul  nahin patte nahi   Ah  bala - e - naghani ,woh kahani bhool ja.